Civita Castellana

Civita Castellana
	Civita Castellana (Italien)
Staat	Italien
Region	Latium
Provinz	Viterbo (VT)
Koordinaten	42° 17′ N, 12° 25′ O42.28888888888912.411666666667145
Häh	145 m s.l.m.
Fläch	83 km²
Eihwohna	16.418 (31. Dez. 2016)
Dichtn	198 Eihw./km²
Postloatzoi	01033
Vorwoi	0761
ISTAT-Nummera	056021
Voiksbezoachnung	Civitonici
Schutzpatron	Santi Giovanni e Marciano
Hoamseitn	Civita Castellana

Civita Castellana is a Stod mid 16.418 Eihwohna (Stond: 31. Dezemba 2016) in da Provinz Viterbo in da italienischn Region Latium. Se is Sitz vo oam remisch-katholischn Bistum.

Rodhaus vo Civita Castellana

Geografie

Civita Castellana liegd 56 km neadli vo Rom und 36 km sidestli vo Viterbo. As Gmoagebiet eastreckd se vom Tiber bis ins vuikanische Higlland vo de Auslaifa vo de Monti Cimini. De Oidstod bfindd se af om Fejsplatoo, des iwa de tiaf eihgschnittna Täla vom Riomaggiore und des Rio Filetto liegd, kuaz bevoa diese in an Treja mindn.

Zu Gmoa ghean de Ortstei: Quartiere Catalano, Paolelli, Sassacci und Borghetto.

De Nochboaorte san: Castel Sant’Elia, Collevecchio (RI), Corchiano, Fabrica di Roma, Faleria, Gallese, Magliano Sabina (RI), Ponzano Romano (RM), Sant’Oreste (RM).

Vakeah

Civita Castellana liegd 11 km vo da Ausfoaht Magliano Sabino on da Autoboh A1 Autostrada del Sole entfeand. De Strada statale 3 Via Flaminia fiahd estli vo da Keanstod duach de Ortstei Sassacci und Borghetto.

Es hod oan Bohhof im Ortstei Borghetto on da Bohstreckn Florenz–Rom. On da Bohstreckn Roma Flaminio–Viterbo lieng de Stationa: Catalano, Civita Castellana und Pian Paradiso.

Gschicht

Osicht vo Civita Castellana, Camille Saglio, 1842; Musée Rolin, Autun

Civita Castellana (Zeichnung vom Edward Lear, 1844)

Civita Castellana is on da Stej vo da oidn Falerii Veteres entstondn, da Haptstod vo de Faliska, oam Stomm, dea'm etrurischn Bund geng Rom oghead hod.

Bevejkarungsentwicklung

Joar	1881	1901	1921	1936	1951	1971	1991	2001	2016
Eihwohna	4172	5216	6004	8622	11.276	14.548	15.454	15.219	16.418

Quej: ISTAT

Sehngswiadigkeitn

• As Forte Sangallo is vom Antonio da Sangallo im Aftrog vom Popst Alexander VI. eabaud worn. In eahm is seit 1977 as Museo dell’Agro Falisco mid Fundn vo de Faliska untabrochd.
• De Kathedroi Santa Maria Maggiore is weng iahra Kosmatnoabatn briahmd.

Politik

Gianluca Angelelli (PD) is im Juni 2009 zum Buagermoasta gwejd worn. Sei Middn-links-Buindnis stejd aa mid 13 vo 20 Sitz de Meahheit im Gmoarod. Ea hod Massimo Giampieri (PdL) (seit 1999) abglesd, dea ned meah kandidiad hod.

Berihmte Leit

Leit vo da Stod

• Giuseppe Colasanti (1846–1903), Physiolog und Pharmakolog
• Sergio Caprari (1932–2015), Boxa, Gwinna vo da Süwamedaille bei de Olympischn Spui in Helsinki

Literatua

• Christoph Henning: Latium. Das Land um Rom. Mit Spaziergängen in der Ewigen Stadt (= DuMont-Kunst-Reiseführer). 3. aktualisierte Auflage. DuMont-Reiseverlag, Ostfildern 2006, ISBN 3-7701-6031-2.

Im Netz

•  Commons: Civita Castellana – Sammlung vo Buidl, Videos und Audiodateien
• Civita Castellana auf www.comuni-italiani.it (italienisch)